Friday, December 23, 2016

స‌ఫ‌లైక ఏకాద‌శి వ్ర‌తం

మ‌న‌లో చాలా మంది జీవితంలో స్వ‌యంకృతం వ‌ల్ల‌నో, మ‌న‌ని చూసి ఓర్వ‌లేని వారి కుట్ర‌ల వ‌ల్ల‌నో...ఇల్లు, వాకిలి, ఉద్యోగం వంటివి న‌ష్ట‌పోయి తీవ్ర‌మైన బాధ‌లు ప‌డుతున్నాం. ధ‌ర్మ‌బ‌ద్ధంగా మ‌నం పోగొట్టుకున్న‌వి ఏవైనా తిరిగి పొందేందుకు, దూర‌మైపోయిన కుటుంబాల పునః సంథానం కోసం తేలిగ్గా చేసుకోగ‌ల అద్భుత‌మైన వ్ర‌తం ఒక‌టుంది. అదే స‌ఫ‌లైక ఏకాద‌శి వ్ర‌తం...

వ్ర‌త విధానం

మార్గ‌శిర బ‌హుళ ఏకాద‌శి నుంచి అంటే డిసెంబ‌ర్ 24 (నేడే) నుంచి వ‌చ్చే ఏడాది మార్గ‌శిర బ‌హుళ ఏకాద‌శి వ‌ర‌కు మొత్తం 25 ఏకాద‌శులు ఈ వ్ర‌తం చేయాల్సి ఉంటుంది. ఈ వ్ర‌తం చేసుకోవాల‌న్న ఆస‌క్తి ఉన్న వారు ద‌శ‌మి రోజునే త‌మ కోర్కె భ‌గ‌వంతునికి చెప్పుకుని (తాము ఏది పొందేందుకు వ్ర‌తం చేస్తున్న‌ది) సంక‌ల్పం చేసుకోవాలి. మాకు ఫ‌లానాది ధ‌ర్మ‌బ‌ద్ధంగా రావాలి. ఆ కోర్కె తీరేందుకు ఏడాది పాటు స‌ఫ‌లైన ఏకాద‌శి వ్ర‌తం చేయాల‌నుకుంటున్నామ‌ని సంక‌ల్పం చప్పుకోవాలి. ఏకాద‌శి రోజు ఉద‌యాన్నే లేచి త‌ల‌స్నానం చేసి ల‌క్ష్మీనారాయ‌ణుల‌కి తుల‌సి ద‌ళాల‌తో అష్టోత్త‌ర శ‌త‌నామ పూజ‌ చేయాలి. రోజంతా ఉప‌వాసం ఉంటూ విష్ణుస‌హ‌స్ర‌నామ పారాయ‌ణం, ల‌క్ష్మీనారాయ‌ణ జ‌పం కూడా చేసుకుంటూ కాలం గ‌డ‌పాలి. ఎవ‌రినీ ప‌ల్లెత్తు మాట అన‌కూడ‌దు. స్వ‌చ్ఛంగా ఉంటూ స్వ‌చ్ఛమైన మ‌న‌సుతో భ‌గ‌వ‌న్నామ స్మ‌ర‌ణ చేసుకుంటూ రోజంతా గ‌డ‌పాలి. క‌టిక ఉప‌వాసం ఉండ‌లేని వారు కంద‌మూలాలు (నేల నుంచి తీసిన దుంప‌లు ఉడికించి రుచిక‌ర‌మైన ప‌దార్థాలేవీ అంటే ఉప్పు, కారం వంటివి వేసుకోకుండా), ఏవేనా ప‌ళ్ళు తీసుకోవ‌చ్చు. అవ‌కాశాన్ని బ‌ట్టి రాత్రి జాగారం చేసినా మంచిది. మ‌ర్నాడు ద్వాద‌శి ఘ‌డియ‌లుండ‌గానే ల‌క్ష్మీనారాయ‌ణుల‌కి తిరిగి పూజ చేసుకుని క్షీరాన్నం నివేద‌న చేసి ఒక బ్రాహ్మ‌ణునికి స్వ‌యంపాకం ఇవ్వాలి. ఏదైనా అనాథ శ‌ర‌ణాలయంలో అన్న‌దానం కూడా చేయ‌వ‌చ్చు. అలా చేసి ఇంటికి చేరి ఉప‌వాసం ముగించాల్సి ఉంటుంది. మ‌ర్నాడు ద్వాద‌శి ఘ‌డియ‌లు ఉద‌యాన్నే ముగుస్తుంటే ఆ ఘ‌డియ‌లుండ‌గానే కాస్తంత ప్ర‌సాదం నోట్లో వేసుకుని బ్రాహ్మ‌ణునికి స్వ‌యంపాకం వంటి విధివిధానాలు ముగించ‌వ‌చ్చు. ద‌శ‌మి, ఏకాద‌శి, ద్వాద‌శి మూడు రోజులూ కింద చాప వేసుకుని నిద్రించాలి.  బ్ర‌హ్మ‌చ‌ర్యం చేయాలి. ఇలా 25 వారాలు (అధిక మాసాలు వ‌స్తే 27 వారాలు అవుతుంది) వ్ర‌తం చేసి ఉద్యాప‌న చేసుకుని ముగించాలి. 


Sunday, December 11, 2016

మునిమ‌నుమ‌రాలితో ముత్తాత ముసిముసి న‌వ్వులు


సైదాబాద్ శ్రీ రామ‌చంద్ర‌స్వామి దేవాలయంలో ప్ర‌వ‌చ‌నం

గురూజీ ఈ నెల ఆరో తేదీ మంగ‌ళ‌వారం నుంచి 10 వ తేదీ శ‌నివారం వ‌ర‌కు సైదాబాద్ లోని శ్రీ రామ‌చంద్ర‌స్వామి వారి దేవాల‌యంలో మార్గ‌శీర్షం-సుంద‌ర‌కాండ వైభ‌వం అనే అంశంపై ప్ర‌వ‌చ‌నాలు నిర్వ‌హించారు. శ‌నివారం ప్ర‌వ‌చ‌నాల ముగింపు సంద‌ర్భంగా ఆల‌య యాజ‌మాన్యం గురూజీ దంప‌తుల‌ను స‌త్క‌రించారు. ఆ దృశ్యాల‌తో పాటు అంత‌కు ముందు ఐదు రోజుల పాటు జ‌రిగిన ప్ర‌వ‌చ‌నాల చిత్రాలు కూడా కొన్ని...




Friday, December 9, 2016

హ‌నుమ‌కు ఆకుపూజ ఎందుకు...?


ఆంజనేయ స్వామి వారికి మనం తమలపాకులతో పూజ చేస్తూ ఉంటాం... కానీ ఎలా ఎందుకు చేయాలన్నది మనలో చాలా మందికి తెలియదు... ఇందుకు ఒక చక్కని కారణం ఉంది... అదేమిటో తెలుసుకుందాం...
తమలపాకు బ్రహ్మ సృష్టి లోనిది కాదు. తమలపాకును నాగవల్లి అని పిలుస్తారు. ఇంద్రుని ఐరావతాన్ని కట్టి ఉంచే రాటనే నాగవల్లిగా పిలుస్తారు...అలా ఇంద్రలోకంలో నాగవల్లికి ఆశ్రయించి అల్లుకున్న తీగ నుండి ఉద్భవించినదే తమలపాకు... అంతటి విశిష్టమైన తీగ నుండి ఉద్భవించిన ఆకుతో పూజ అందుకునే అర్హత కూడా అంతే విశిష్టమైన వారికే ఉంటుంది..అలాంటి విశిష్టతలు ఎవరికి ఉన్నాయి అని అన్వేషిస్తే కనిపించింది హనుమ ఒక్కడే...

Sunday, November 27, 2016

హ‌నుమంతుని లంకాయానం


కార్తీక పురాణం 30వ అధ్యాయ‌యు

ధ‌ర్మ‌సూక్ష్మ క‌థ‌న‌ము

ఋషుల‌డిగిరి. ఓ సూత‌మ‌హ‌ర్షీ మాకు పుణ్య‌మైన హ‌రి మాహాత్మ్య‌మును చెప్పితిరి. ఇంకా కార్తిక మాహాత్మ్య‌మును విన‌గోరితిమి, చెప్ప‌వ‌ల‌సిన‌ది.
క‌లియుగ‌మునందు క‌లుషిత మాన‌సులై రోగాదుల‌కు లోబ‌డి యుండి సంసార స‌ముద్ర‌మందు మునిగి యున్న వారికి అనాయాస‌ముగా పుణ్య‌ము ల‌భించెడిది ఏది?
ధ‌ర్మ‌ములోఎక్కువ ధ‌ర్మ‌మేది?   దేని వ‌ల‌న మోక్ష‌ము సిద్ధించును?  దేవ‌త‌ల లోప‌ల ఎక్కువ దేవుడెవ్వ‌డు?  ఏ క‌ర్మ‌చేత మోహ‌ము న‌శించును? క‌లియుగ‌మున మాన‌వులు మంద‌మ‌తులు, జ‌డులు, మృత్యుపీడితులును అగుదురు. వారికి అనాయాస‌ముగా మోక్ష‌ము దొరికెడి ఉపాయ‌ము చెప్పుము. ఇంకా ఇత‌ర‌మైన హ‌రిక‌థ‌ను చెప్పుము.

వారి మాట‌ల‌కు సూతుడు ఇలా ప‌లికాడు. మునీశ్వ‌రులారా! మీర‌డిగిన ప్ర‌శ్న చాలా బాగున్న‌ది. మంగ‌ళ‌క‌ర‌మైన హ‌రికీర్త‌న స్మృతికి వ‌చ్చింది. కాబ‌ట్టి స‌ర్వ‌సుఖ‌క‌ర‌మైన దానికి చెప్పెద‌ను, వినుడు.
మీరు అల్ప‌బుద్ధుల‌యిన జ‌నుల‌కు మోక్షోపాయ‌మును చెప్పుమ‌ని కోరితిరి. ఈ ప్ర‌శ్న లోకోప‌కార‌ము కొర‌యినందున నాకు చాలా ఆనంద‌దాయ‌క‌మైన‌ది. అనేక యాగాదులు చేసియు, అనేక పుణ్య‌తీర్థ‌ములందు స్నానాదిక‌మాచ‌రించియు ఏ ఫ‌ల‌ము పొందెద‌లో ఆ ఫ‌ల‌ము ఇటువంటి మంచి మాట‌ల చేత ల‌భ్య‌మ‌గును.
మునీశ్వ‌రులారా!  వినండి. కార్తీక ఫ‌ల‌ము వేదోక్త‌మైన‌ది. అన‌గా కార్తీకమందు వేదోక్త ఫ‌ల‌మును పొందెద‌ర‌ని భావ‌ము. కార్తీయ వ్ర‌త‌ము హ‌రికి ఆనంద కార‌ణ‌ము, స‌ర్వ‌శాస్త్రముల‌ను సంపూర్ణ‌ముగా చెప్పుట‌కు నేను స‌మ‌ర్థుడ‌ను కాను, కాల‌ము చాల‌దు, కాబ‌ట్టి శాస్త్రసార‌ముల‌లో సార‌మును చెప్పెద‌ను వినుడు. 

శ్రీ‌హ‌రి క‌థ‌ను సంగ్ర‌హ‌ముగా చెప్పెద‌ను వినుడు. శ్రీ‌హ‌రికాస‌క్తులు ఘోర‌మైన న‌ర‌కాల యందు ప‌డ‌క సంసార స‌ముద్ర‌ము నుండి త‌రింతురు.
కార్తీక‌మందు హ‌రిని పూజించి స్నాన‌ము, దాన‌ము, ఆల‌య‌ములందు రాత్రి దీప‌మును వెలిగించుట చేయు వారు అనేక పాప‌ముల నుంచి శీఘ్ర‌ముగా ముక్తుల‌గుదురు. సూర్యుడు తులారాశి యందు ప్ర‌వేశించిన‌ది మొద‌లు ముప్ప‌ది దిన‌ములు ఒక్క కార్తీక వ్ర‌త‌మును చేయ‌వ‌లెను. అట్ల చేయువాడు జీవ‌న్ముక్తుడ‌గును సుమా.
బ్రాహ్మ‌ణులు గాని, క్ష‌త్రియులు గాని, వైశ్యులు గాని, శూద్రులు గాని, స్త్రీలు గాని కార్తీక వ్ర‌త‌మునుచేయ‌ని ఎడ‌ల త‌మ పూర్తుల‌తో కూడా అంథ‌తా మిస్ర‌మ‌నుపేరు గ‌ల న‌ర‌క‌మును (చీక‌ట్ల‌తోగ్రుడ్డిద‌గు న‌ర‌క‌ము) పొందుదురు, సంశ‌య‌ము లేదు. 

కార్తీక‌మాస‌మందు కావేరి జ‌ల‌మందు స్నాన‌మాచ‌రించు వారు దేవ‌త‌ల చేత కొనియాడ‌బ‌డి హ‌రిలోక‌మును పొందుదురు. కార్తీక మాస‌మునందు స్నాన‌ము చేసి హ‌రిని పూజించు మాన‌వుడు విగ‌త పాపాడై వైకుంఠ‌మును చేరును.
మునీశ్వ‌రులారా!  కార్తీక‌వ్ర‌త‌మును చేయ‌ని వారు వేయి జ‌న్మ‌ములందు చండాలురై పుట్టుదురు. కార్తీక మాస‌ము పుణ్య‌క‌ర‌ము. స‌మ‌స్త మాస‌ములందు శ్రేష్ఠ‌ము. కార్తీక వ్ర‌త‌ము హ‌రి ప్రీతిదాయ‌క‌ము. స‌మ‌స్త పాప‌హ‌ర‌ము. దుష్టాత్ముల‌కు అల‌భ్య‌ము. తుల యందు ర‌వి ఉండ‌గా కార్తీక మాస‌మందు స్నాన‌ము, దాన‌ము, పుజ‌, హోమ‌ము, హ‌రి సేవ చేయువారు స‌మ‌స్త దుఃఖ విముక్తులై మోక్ష‌మందెద‌రు.
కార్తీక మాస‌మునందు దీప‌దాన‌ము, కంచుపాత్ర‌దాన‌ము, దీపారాధ‌న‌ము, ధాన్యు, ఫ‌ల‌ము, ధ‌న‌ము, గృహ‌దాన‌ము అనంత ఫ‌ల‌ప్ర‌ద‌ములు. 


ధ‌నికుడు గాని, ద‌రిద్రుడు గాని హ‌రి ప్రీతి కొర‌కు కార్తీక మాస‌మందు క‌థ‌ను విన్నా, క‌థ వినిపింప‌చేసినా అనంత‌ఫ‌ల‌మునొందుదురు. కార్తీక మాహాత్మ్య‌ము స‌ర్వ‌పాప‌ముల‌ను న‌శింప‌చేయును.  స‌మ‌స్త సంప‌త్తుల‌ను క‌లుగ‌చేయును. అన్ని పుణ్య‌ముల క‌న్నా అధిక‌ము. ఎవ‌డు ఈ ప‌విత్ర‌మ‌గు విష్ణువుకు ప్రీతిక‌ర‌మ‌గు అధ్యాయ‌మును వినునో వాడు ఈ లోక‌మున గొప్ప సుఖాల‌ను అనుభ‌వించి ప‌ర‌లోక‌మున బ్ర‌హ్మానంద‌ము పొందును. తిరిగి ఒక జ‌న‌న‌మ‌ర‌ణ ప్ర‌వాహ‌మున ప‌డ‌కుండా చేయున‌దియే ప‌ర సుఖ‌ము లేదా నిత్య సుఖ‌ము...

                               కార్తీక పురాణ‌ము స‌మాప్తం