Sunday, July 15, 2018

20వేలు దాటిన రామ‌నామ జ‌పం


దుష్ట శిక్ష‌ణార్ధం, శిష్ట ర‌క్ష‌ణార్ధం శ్రీ‌మాన్ గురూజీ పిలుపు ఇచ్చిన మేర‌కు మ‌న సుంద‌ర‌కాండ భ‌క్త‌కోటి ఆదివారం ఉద‌యం 9 గంట‌ల నుంచి మ‌ధ్యాహ్నం 12 గంట‌ల మ‌ధ్య‌లో రామ‌నామ‌జ‌పం చేశారు. అలాంటి కొంద‌రు అందించిన స‌మాచారం ఆధారంగా లెక్క క‌డితే 13 మంది 20,478 సార్లు పారాయ‌ణ గావించారు. నిజానికి ఇది ల‌క్ష వ‌ర‌కు చేరి ఉంటే చాలా బాగుండేది. మొత్తం మ‌న భ‌క్త‌బృందం అంద‌రూ కొంత స‌మ‌యం కేటాయించి చేసి ఉంటే అది సాధ్య‌మ‌య్యేది. మ‌రి ఇంత‌మంది మ‌న సుంద‌ర‌కాండ భ‌క్త‌గ‌ణంలో ఏ చిన్న పోస్టుకైనా న‌మ‌స్కార బాణాలు వ‌దులుతూ, త‌మ చిత్తానికి తోచిన‌ ప్ర‌తీ అంశాన్ని వాట్స‌ప్ లో పోస్టు చేసే వారంద‌రూ ఏమైపోయారో అర్ధం కాదు. అయినా రామ‌నామ పారాయ‌ణం 20 వేలు దాట‌డంపై గురూజీ హ‌ర్షం ప్ర‌క‌టించారు. ఇప్ప‌టికైనా క‌ళ్లు తెరుద్దాం, ఈ సారి గురూజీ నుంచి ఏదైనా ఇటువంటి మ‌హ‌త్కార్యం గురించిన సందేశం అందితే క‌నీసం ల‌క్ష దాటేలా చేద్దామ‌ని నా ఆశ‌.
- దామ‌రాజు వెంక‌టేశ్వ‌ర్లు

 

Thursday, July 5, 2018

ఈ దుశ్చ‌ర్య‌ల‌ను ముక్త‌కంఠంతో ఖండిద్దాం


ఇది ఈ ఒక్కడి సమస్య కాదు. యావత్ భారతీయుల మనోభావాలను దెబ్బ తీస్తూ ఆరాధ్య దైవాలైన శ్రీ రామచంద్రుని సీతమ్మని ఘోరముగా తూలనాడిన మూర్ఖపు చర్య.

రాముడిని దగుల్బాజీ అని తూలనాడడము సీతమ్మ తల్లిని ఆమె రావణుడివద్ద ఉంటేనే బాగుండేది అని ఆ మహాతల్లిని ఒక వేశ్యగా చిత్రీకరించడము  వాడి వికృతపు మాటలు వింటూ మనము మిన్నకుండడముకంటె చావే మేలు.


కాబట్టి ఆ దరిద్రుని పలుకులను యావత్  మన సుందరకాండ కుటుంబ సభ్యుల తరఫున నెను తీవ్రముగా ఖండిస్తున్నాను. ఈ ప్రకటన చేస్తున్నందుకు నన్ను జైలులో పెట్టిన  లేక చిత్రహింసలు పెట్టినా సంతోషముగా అనుభవించడానికి సిద్ధముగా ఉన్నాను.
 

నాకు ఆ దరిద్రుడిపైన కలిగిన కోపముతో  ఒక రావణాసురుని ఫోటోనుకూడా తయారుచేసి  దీనితోబాటు ఉంచుతున్నాను. 

ఉట్టికెగురలేదు స్వర్గానికి ఎగురుతానన్న చందంగా వాడు టి.వి. డిబేటులో  జవాబు ఇవ్వలేక మధ్యలోనే పారిపోయినవాడు శ్రీరాముని నిందించునంతటి మొనగాడా ?

         మీ శృంగారం శింగరాచార్యులు.


Monday, June 18, 2018

స్వామివారు స్వ‌గృహ ప్ర‌వేశం

స్వామివారు ప్ర‌గ‌తిన‌గ‌ర్ లో సుమారు నెల రోజుల విజ‌య‌యాత్ర ముగించుకుని సోమ‌వారంనాడు (తేదీ 18-06-2018) గురూజీ శ్రీ శృంగారం సింగ‌రాచార్యుల వారి నివాసంలో స్వ‌స్థ‌లానికి త‌ర‌లివెళ్లారు. ప్ర‌గ‌తిన‌గ‌ర్ లో శ్రీ న‌ల్లూరి సురేశ్, శ్రీ దామ‌రాజు వేంక‌టేశ్వ‌ర్లు, శ్రీ పాణ్యం వేణుగోపాల్ గార్ల నివాసాల్లో వైభ‌వంగా పూజ‌లందుకున్నారు. శ్రీ సురేశ్ నివాసంలో మే 19వ తేదీ నుంచి 27వ తేదీ వ‌ర‌కు వైభ‌వంగా పారాయ‌ణ స‌హిత ప్ర‌వ‌చ‌నాలు జ‌రిగాయి. ప్ర‌గ‌తిన‌గ‌ర్ లోని దేవాల‌యాల్లో గ‌తంలో మూడు సార్లు ప్ర‌వ‌చ‌నాలు నిర్వ‌హించిన‌ప్పుడు నిర్వాహ‌కుల అల‌స‌త్వం వ‌ల్ల ఎంతో మ‌నోవ్య‌ధ చెందిన గురూజీకి సురేశ్ నివాసంలో మ‌హ‌దానందం క‌లిగింది. ప్ర‌గ‌తిన‌గ‌ర్ లో ప్ర‌జ‌ల‌కు ఏ మాత్రం భ‌క్తి లేద‌న్న భావం ప‌టాపంచ‌ల‌యింది. శ్రీ సురేశ్ అత్త‌గారైన శ్రీ‌మ‌తి విజ‌య‌ల‌క్ష్మిగారు దేవాల‌యంలో నిత్యం జ‌రిగే విష్ణుస‌హ‌స్ర‌నామ పారాయ‌ణ బృందం స‌భ్యురాలు కావ‌డం వ‌ల్ల ప్ర‌తీ రోజూ 40 మంది వ‌ర‌కు వ‌చ్చి ప్ర‌వ‌చ‌నాలు విని త‌రించారు. ఆ త‌ర్వాత దామ‌రాజు, పాణ్యం వారిళ్ల‌లో జ‌రిగిన హోమ‌రూప‌క సుంద‌ర‌కాండ‌ల‌కు కూడా ఇదే వైఖ‌రి కొన‌సాగింది. ప్ర‌తీ ఇంటిలోనూ వారి ఇంటి విస్తీర్ణం స‌రిపోనంత‌గా భ‌క్త‌జ‌నం వ‌చ్చి కార్య‌క్ర‌మాల్లో పాల్గొని త‌రించ‌డ‌మే కాకుండా మా అంద‌రికీ ఆనందం క‌లిగించారు.  ఆ ర‌కంగా మే నెల 17వ తేదీన గురూజీ ఇంటి నుంచి బ‌య‌లుదేరిన స్వామివారు నెల రోజుల పాటు అద్భుతంగా పూజ‌లందుకుని ఈ రోజు జూన్ 18వ తేదీ నాడు గురూజీ ఇంటికి చేర‌డం మా అంద‌రికీ మ‌హ‌దానందం క‌లిగించింది. మా అంద‌రి జ‌న్మ త‌రించింది. మాకు  ఇంత‌కు మించిన భాగ్యం ఏముంటుంది...జై శ్రీ‌రామ్‌, జై ఆంజ‌నేయ‌.
- దామ‌రాజు వెంక‌టేశ్వ‌ర్లు